अवचितगड

अवचितगड

मागच्या आठवड्यात आजारी पडल्यामुळे मी काही ट्रेक ला जाऊ शकलो नाही. पण टीम गेली होती. त्यांचा सुधागड राहिला होता. त्यामुळे ट्रेक मध्ये खंड पडला नाही याचा आनंद. In trekking even if one person makes it to the summit the team wins. Cause for the one to reach the top, the whole team is supporting. Same way, as decided that we will be trekking for 52 weekends, there has not been a single lost weekend. Just something the whole team looks forward to. चड्डी या प्रथेला 'रुह की खुराख' म्हणतो ते काही वावगं नाही.
मी, उप्या आणि बरेच दिवसांनी आलेला बिडी असे तीन तीगाडा निघालो. या ट्रेक ला पनवती लागली होती. खूप दिवस झाले ठरून पण या ना त्या कारणाने होत नव्हता. ताम्हिणी घाट ओलांडून कुंडलिनी नदीच्या  तीरावर हे किल्ले उभे आहेत. रोहा पासून साधारण ५ - ८ किमी च्या  अंतरावर. तिथून बिरवाडी साधारण १८ कि मी वर आहे. दोन्ही किल्ले एक दिवसात छान  पाहून होतात.

आम्ही मेढा मार्गे अवचितगडला पोचलो. गड चढायला अव्हगड नाही. साधारण ४५ मी मध्ये माथ्यावर पोचता येते.

मस्त विहीर आहे खाली. रस्ता  तिथून चालू होतो. वाटेमध्ये डाव्याबाजूला काही वीरगळी दिसतील. हा किल्ला जंगला तून असल्यामुळे इथे उन्हाचा तडाखा जरा कमी बसला. 

महादरवाजा आणि तटबंदी अजून काही प्रमाणात शाबूत आहे. वर गेल्यावर बघण्यासारखे खूप काही आहे. सुंदर किल्ला आहे. 

दरवाज्यातून आत गेल्यावर डावीकडे एक शरभशिल्प आहे. 

There is huge water reservoir. Nicely crafted steps will take you to the waterline. 

महादेव मंदिर. 

सात टाक्यांमध्ये पिण्याचा पाण्याची सोय आहे. मंदिरामागून रस्ता आहे. 

किल्ल्यावर एक शिलालेख आहे असे म्हणतात. पण आम्हाला काही तो दिसला नाही. 

गडावर पोचलो असता तिथे दोन मुलं काही तरी काम करतांना दिसली. शिव शंभू प्रतिष्ठान चे ते कार्यकर्ते होते. त्यांनी गडावर झाडं लावायचं  काम हाती घेतलं होतं. गड नीट नेटका केला आहे. त्यांच्या कष्टानी बरेच काही नीट पाहता येतं. उन्हात निस्वार्थीपणे काम करत होते. बिडी नी विचारलं  की  तुम्ही काही देणगी स्वरूपात घेता का ? पण त्यांनी स्पष्ट नकार दिला. एकंदरीत हा गड नक्कीच पाहण्या सारखा आहे. वरील बांधकाम, पाण्याच्या टाक्या आणि मंदिर खूप प्रसन्न आहे. 

मंदिरापाशी आम्ही थोडी विश्रांती घेतली, जवळ असलेलं थोडं खालले आणि त्या मावळ्यांना पण दिले. इथून बिरवाडी ला जायचे होते. त्यामुळे गड बघून आम्ही खालच्या वाटेला लागलो. 

शंभो !!!